Wei fan Dreamen (Gerbrich & it Grutte Guod oer Dolly Parton)

Sjongend en fertellend giet Gerbrich yn de foarstelling “Wei fan Dreamen” troch it wurk fan Dolly Parton. Op syk nei de magy yn de wurden en meldijen fan dat strjitearme famke dat harsels út de bergen fan Tennessee wei nei de absolute wrâldtop ta dreamde. Tegearre mei de muzikanten Wander van Duin en Josse Postma dûkt se yn it libben, mar foaral de muzyk fan ien fan har grutste muzikale helden.